Hello 大家好呀～今次想同大家分享下，
我喺 2024 年 12 月 29 號去參加 2024 韓國 SEOUL CON K-beauty Boost 嘅感想?！
 

( 本身知道呢個活動係因為我去做翻譯 點知我都挽埋一份? )
 

K-beauty Boost 現場?
我一入到 K-beauty Boost 區域，就見到成排美容品牌攤位，真係超壯觀！嗰一刻就諗住：「哇～有排行啦！」成個氛圍都好震撼✨ ! 
 除咗我原本識嗰啲知名品牌之外，現場仲有好多剛起步、或者未喺韓國大眾心目中出名嘅品牌。
每個攤位都有專業人員好耐心咁介紹產品、示範用法。
我就趁機問埋一堆問題，邊試邊睇，真係收穫滿滿??。
 

海外 KOL?

今次活動最特別就係有唔少 海外美妝KOL 一齊參與，感覺就更加國際化啦。
我同佢哋傾開發現，佢哋對 K-beauty 真係好有熱情，
雖然語言唔同，但因為共同話題就係美容，同樣都鍾意韓妝，傾起上嚟好容易就 hit 到 key !
 

各種有趣活動＋滿滿禮物?

每個攤位都有唔同活動，例如集印章、SNS 打卡送贈品之類，好似去主題樂園玩一樣。
又玩又攞禮物，我仲好彩抽中咗獎，攞咗好多正貨同試用品，真係大豐收?！
 

今次 2024 韓國 SEOUL CON K-beauty Boost，對我嚟講真係一次好難得嘅 K-beauty 文化體驗?，
不單止見識到一堆新品牌，仲可以同海外網紅同其他美容愛好者一齊交流。
原本只係諗住嚟「睇下有咩玩」，點知內容之豐富完全超出我預期，真係冇失望。
主辦單位話呢個活動每年都會有，所以下次我一定要再來，估計到時會有更多新嘅品牌同精彩活動！
如果你對美容保養、彩妝或者韓流文化有興趣，我真心建議你下年一定要去感受下！
記住帶個大少少嘅袋，因為有機會攞到好多禮物同試用品，等你滿載而歸！??️
 

如果大家有興趣嘅話 可以去睇下！??

https://www.instagram.com/reel/DEpPyq8B2sx/?igsh=cG94bGtpMmVtYnFy

@kkei_dy